Ngisibawa njani iSondlo?
Yini okumele ukwazi!
Ukuthola ilwazi elinabileko, thintana nabalandelako:
UmNyango wezoBulungiswa nokuThuthukiswa komThethosisekelo
UbuNqophisi obuKhulu: UKUPHUHLISWA KWAMALUNGELO WEENQHEMA EZISENGOZINI.
Umtato: 012 315 - 1378/9
Ifeksi: 012 357 - 8188
Ngizokwazi njani bonyana imali leyo ibhadelwe?
Kumele udose umtato ngaphambi kobana uye eKhotho, ukwenza isiqiniseko sokobana imali seyibhadelwe.
Nangabe imali ayikabhadalwa, iKhotho izakuzama ukufunisisa bonyana imali leyo ibhadelwe namkha awa, begodu nayingakabhadalwa bazakutjela bonyana wenzeni emva kwalokho.
Kumele ngilinde isikhathi esingangani ukuze imali leyo ibhadelwe mina?
Ilanga lokubhadela liyame phezu komLayo weKhotho.
Umuntu lowo kumele abhadele ekhotho bese ikhotho ibhadele wena.
Abonobangela bokobana ungabhadelwa ngesikhathi
Kungenzeka bona amakhomphyutha akasebenzi.
Iimbhadela ayikwazi ukutholakala ngesibanga senomboro yomlandu engasiyo enikelweko.
Khumbula bona imali nayibhadelwe ngeTJHEGE e-akhawundini yakho yebhanga, imali leyo UZAYITHOLA NGEMVA kwamalanga ALIKHOMBA.
Angikhululeki nangisebenzisa i-akhawundi yebhanga.
Khumbula bonyana kuphephile begodu kumsinyana ukusebenzisa ibhanga kunokubhadalwa ekhotho ngekhetjhe namkha ngendlela yokudosa emrholweni.
Bawa isitatimende esizeleko ( kungabi ngesincani) se-akhawundi yakho yebhanga lendawo leyo namkha emtjhinini wokukhupha imali.
Letha isitatimende sebhanka kanye nomazisi wakho ekhotho.
IKhotho izakukhipha isigunyaziso sokubopha esikubeka umlandu wobulelesi wena njengomuntu okumele abhadele imali leyo.
Nangabe ngimi umbhadeli wemali yeSondlo, kumele ngenzeni?
Ungasebenzisa iindlela ezilandelako zokubhadela:
Indlela yokudosa emrholweni - ikampani oyisebenzelako idosa imali emrholweni wakho bunqopha.
Ukubhadela ngekhetjhe - uya ekhotho ubhadele imali leyo ebasebenzini bekhotho.
Ukubhadela bunqopha e-akhawundini yebhanga- ufaka imali e-akhawundini yebhanga yomuntu loyo okumele ayithole.
Indlela ozokubhadela ngayo kumele irekhodwe emLayweni weKhotho.
Khumbula:
Inomboro yereferensi oyinikelwe yikhotho kumele inikelwe ngasosoke isikhathi nawubhadela bunqopha e-akhawundini yebhanga namkha ubhadela ebasebenzini bekhotho.
Ngasosoke isikhathi feksela ikhotho isiqiniseko sokubhadela (isilibhu ofake ngaso) nangabe ubhadela e-akhawundini yekhotho.
Kwenzekani nangabe i-akhawundi lapho kumele kufakwe khona imali ivaliwe na?
Nikela ikhotho imininingwana yokubhanga emitjha.
IsiPhathiswa seSondlo sizakwazisa obhadelako ngemininingwana emitjha yebhanga kanye nenani lemali ayikolodako.
Imininingwana emitjha yebhanga izakutlolwa efayilini yesondlo
Kwenzekani nangabe umuntu okumele amukele imali yesondlo uyagula, uyarholophala, uyahlongakala namkha ungaphetjheya?
Endabeni yokuhlongakala, umFezekisi wamafa wombawi namkha uMondli womntwana unikelwe ilungelo lokuthatha imali leyo.
Endabeni yokugula, ukurholophala namkha umgunyazwa angaphetjheya, kumele kukhonjwe umuntu wesithathu okumele ayamukele. Lokhu kungenziwa ngokuveza incwajana yabogqwetha egunyaza lo wesithathu bonyana athathe imali yesondlo.
Okhunye okungenziwa, umNyango wezeHlalakuhle (umSebenzi wezeHlalakuhle) ungathintwa ukuthola isizo.
Ngiyakuphi nangifuna iLungelo lokuTlhogomela umntwana nokuFikelela?
Ukuthola ilwazi elinabileko malungana nelungelo lokuTlhogomela umNtwana, buza e-ofisini leGgqwetha lomNdeni.
Ivulwa nini iKhotho?
Isikhathi sokusebenza:
Thoma ngokuya lapho banikela khona ngelwazi ukuze bakulayele indawo okungiyo.
Kungebangalani kumele ngithole ilanga lokuya ekhotho?
Ukunikela ikhotho isikhathi sokuthintana naloyo okumele abe khona nakuzokulalelwa umlandu lowo
Kungebangalani kuqakathekile bonyana bobabili ababelethi beze ekhotho?
Kukufikelela esivumelwaneni sokobanyana kufuneka iSondlo esingangani begodu okumele abhadale lowo angakwazi ukubhadela malini.
Ngisibawa bunjani iSondlo?
Ngimaphi amalungelo wami?
Kumsebenzi wababelethi bobabili bonyana bondle umntwana wabo ngemali.
Lokho kufaka phakathi ukubhadelela ukudla, izambatho, indawo yokuhlala zokwelatjhwa kunye nefundo.
Inani lesondlo lizokubalwa ngendlela ababelethi abarhola ngayo.
Ababelethi bobabili banesibopho sokutlhogomela umntwana kungaqalwa bonyana umntwana ubelethwe ngaphandle namkha ngaphakathi emtjhadweni.
Umuntu omele abhadale isondlo unelungelo lokwenza isibawo sokuphikisa umLayo weSondlo.
Nangabe umuntu loyo okumele abhadele isondlo akakwenzi lokho, isinghonghoyilo singenziwa eKhotho yeSondlo.
UmLayo weSondlo ungenzelwa lokhu:
Iindleko eziphathelene nokubelethwa komntwana
Iindleko eziphathelene nesondlo kusukela ekubelethweni kwakhe kufikela ngelanga lerhubhululo.
Nangabe kutlhalenwe, ogade amlingani kumele athole isondlo nangabe besifakwe njengengcenye yekambiso yekhotho yokutlhalana.
Ngingaya nakwenzenjani eKhotho yeSondlo?
Nangabe omunye wababelethi akanikeli ngesondlo somntwana namkha somndeni.
Nangabe wenza isibawo sesondlo kokuthoma.
Nangabe iKhotho yezokuTlhalana yenze umlayo; ukuvula ifayili ekhotho ukwazisa umuntu okumele abhadele bonyana uzokubhadela nini, kuphi begodu bunjani.
Kumele ngiye kiyiphi ikhotho nangifuna ukwenza isibawo semali yesondlo?
Ungathintana neKhotho eseduze nawe ngomtato ngombana bazakwazi ukukunikela ilwazi elifaneleko. (Ikhotho yesifunda lapho umntwana namkha umuntu lowo okumele ondliwe ahlala khona).
Kumele ngisebenzise ini njengeNomboro yeReferensi?
Inomboro leyo itlolwe eKaradeni lakho elisarulana leSondlo.
Ngasosoke isikhathi nawubuza okhunye nokhunye kumele utjho inomboro yakho yefayili
Kumele ngilinde isikhathi esingangani ngaphambi kokukhutjhwa komLayo weKhotho?
Lokhu kweyame ekubambisaneni kwababelethi bobabili.
Nangabe ababelethi bayavumelana, imbhadela yokuthoma kumele yenziwe njengokutjhiwo mLayo weKhotho.
Ngiziphi iindlela ezahlukeneko zokuthola imali yeSondlo?
Indlela yokudosa emrholweni - ikampani oyisebenzelako idosa imali emrholweni wakho bunqopha iyibhadele e-akhawundini yebhanga.
Ukubhadela ngekhetjhe - uya ekhotho ubhadele imali leyo ebasebenzini bekhotho.
Ukubhadela bunqopha e-akhawundini yebhanga - ufaka imali e-akhawundini yebhanga yomuntu loyo okumele ayithole.
Indlela engcono yokuthola imali yesondlo kufaka e-akhawundini yebhanga.
Ubuhle ngilobu:
Awukhweli uye ekhotho
Akubi neendleko zokukhwela
Awujami emjejeni
Awulahlekelwa sikhathi somsebenzi
Kumele ngiye ekhotho yesondlo-kumele ngiphathe ini?
Ngifuna ukubawa imali yesondlo -
Ngisenza njani isibawo salokho?
Tjheja::
Yoke ikambiso yokwenza isibawo sesondlo nokuthola imali kokuthoma ingathatha iimveke ezimbalwa kuye ngokubambisana kwababelethi bobabili.
Qiniseka bonyana uphatha lokhu okulandelako:
Umazisi
Inomboro kamazisi nesithombe sombelethi/ somuntu loyo okumele abhadele imali yesondlo.
Isitatimende sebhanga nangabe une-akhawundi.
Irhelo leendleko elihlathulula iimfuneko zomntwana
Ama-adresi walapho ahlala khona namkha wemsebenzini womuntu loyo okumele abhadele imali
Ama-adresi walapho kuhlala khona namkha kusebenza khona ilunga lomndeni namkha isihlobo.
Inomboro yereferensi (nangabe besele unikelwe)
UmLayo weKhotho (nangabe besele unikelwe)
Dosela ikhotho yendawo umtato ubuze bonyana ngiyiphi ikhotho ongaya kiyo nawufuna ukwenza isibawo sesondlo.
Dosela ikhotho yesondlo umtato ubuze ngokuzokufuneka nawenza isibawo semali yesondlo.
Iya ekhotho uzalise amaforomo wesibawo.
Ikhotho izakukhupha ilanga enizakuza ngalo ekhotho wena nalowo obekwe umlandu (umbelethi).
Ikhotho izakukhupha isibizelakhotho isithumele kilowo obekwe umlandu ukobana eze ekhotho ngelanga elibekiweko.
Ngiziphi iindleko ongazirhelisa njengeendleko zomntwana?
indawo yokuhlala imali yesikolo amanzi negezi iinlibhu zegezi iindleko zokwelatjhwa ukudla nenye igrozari iindleko zokukhwela izambatho
Kumele ulethe imitlolo esekela zoke iindleko esele uzibalile, ngaphandle kwalokho IKHOTHO ANGEKHE IKWAZI UKUTHOMISA NGEKAMBISO YAYO, isibonelo: isilibhu somrholo, iinlibhu zegezi, amarasidi wemali yesikolo kanye namarasidi weendleko zokwelatjhwa.
Kumele ngikhwele nangiya eKhotho?
Kumele udosele iKhotho umtato ngaphambi kobana uye khona ukwenza isiqiniseko sokobana:
Uya eKhotho okungiyo.
Unalo loke ilwazi elizokufuneka ngelangelo. Wazi bona obekwe umlandu umbelethi omunye kumele abe nawe ngelangelo.
